The Lives of Ss. Edmund and Fremund: Text

The Canon of John Lydgate Project

The Lives of Ss. Edmund and Fremund: Text

MS Harley 2278 fol. 4r

[The initial "T" on this page is elaborately decorated.]

This other standard / feeld stable off colour ynde
In which off gold / been notable crownys thre
[T]He firste tokne / in cronycle men may fynde
Grau[n]tyd to hym / for Royal dignyte
And the seconde / for virgynyte
ffor martirdam / the thrydde in his suffryng
To these annexyd / ffeyth / hope / and Charyte
In tokne he was / martyr mayde and kyng

¶ These thre crownys / kyng Edmu[n]d bar certeyn
Whan he was sent / be grace off goddis hond
At Geynesburuh / for to slen kyng Sweyn
By which myracle / men may vndirstond
Delyuered was / fro Trybut al thys lond
Mawgre Danys / in ful notable wyse
ffor the hooly martyr / dissoluyd hath that bond
Set this Regiou[n] / ageyn in his franchise

¶ These thre crownys / historyaly taplye            Applicacio
By pronostyk / notably souereyne
To sixte Herry / in fygur signefye
How he is born / to worthy crownys tweyne
Off ffrance / and Ingland / lynealy tatteyne
In this lyff heer / affterward in heuene
The thrydde crowne / to receyue in certeyne
ffor his meritis / a boue the sterrys seuene

Back to first page of manuscript

Skip to last page of manuscript

Back to preceding page

Forward to next page

Skip to a page of your choice

The Canon of John Lydgate Project

email: Stephen.Reimer@UAlberta.Ca
URL: http://www.ualberta.ca/~sreimer/lydgate.htm/