The Lives of Ss. Edmund and Fremund: Text

The Canon of John Lydgate Project

The Lives of Ss. Edmund and Fremund: Text

MS Harley 2278 fol. 8v

[The initial letter of each stanza is lightly decorated.]

And sithe the kyng / in his roial estat
List be deuocioun / of his benyuolence
With the holy martir / to be confederat
As kyng with kyng / bothe of gret excellence
ffor whiche the martir / be heuenly premynence
To sixte Herry / shal his grace dresse
To make him floure / in tryumphal prowesse

Be influence he / fro the heuene dou[n]
Shal in knyhthod / make him most marcial
Yiue him with Arthour / noblesse and hih renou[n]
And with Charlemayn / forto been egal
And he shal grante him / in especial
With seint Edward / to loue god and dreede
And with seint Lowis / that was of his kynreede

In this mater / there is no more to seyn
Sauf to the kyng / forto do plesau[n]ce
Thabbot William / his humble chapeleyn
Gaf me in charge / to do myn attendau[n]ce
The noble story / to translate in substau[n]ce
Out of the latyn / aftir my kunnyng
He in ful purpos / to yeue it to the kyng

Back to first page of manuscript

Skip to last page of manuscript

Back to preceding page

Forward to next page

Skip to a page of your choice

The Canon of John Lydgate Project

email: Stephen.Reimer@UAlberta.Ca
URL: http://www.ualberta.ca/~sreimer/lydgate.htm/